HEKAYƏLƏR

Təbrizdə doğulan, bütün varlığı ilə doğma Azərbaycana bağlı olan Səməd Behrəngi əsasən, uşaqlar üçün yazıb-yaradıb. Daha çox kiçik həcmli nağıllar və uşaq hekayələri müəllifi kimi yadda qalan Səməd Behrənginin qısa ömründə (28 yaşında vəfat edib) qələmə aldığı “Ulduz və qarğalar”, “Çuğundursatan oğlan”, “Balaca qara balıq” kitabları uşaqların marağına səbəb olub. Sizə təqdim etdiyimiz “Hekayələr” kitabına toplanan yazılar balaca oxuculara qorxmazlıq, düzlük, vətənpərvərlik, kitaba, müəllimə, böyüyə hörmət kimi keyfiyyətlər aşılayır. Müəllifin əsərləri italyan, fransız, ingilis, türk dillərinə tərcümə olunaraq böyük tirajla yayılıb.