ПАЙҒАМБАР АТРОФИДАГИ КИШИЛАР

Пайғамбаримиз Муҳаммад алайҳиссаломниг яшаган Саодат асрида Аллоҳнинг Улуғ каломи Қуръони карим самодан нозил бўлди, у зотга эргашиб ҳидоят бахтига эришганлар катта синовларни бошларидан кечиришди. Шу билан улар тарих зарварақларига муҳрландилар. Орадан неча асрлар ўтишига қарамай, саҳобаи киромларнинг ҳаётлари, эзгу ишлари, ибодатлари, жасоратлари, сабру қатъиятлари бутун инсониятни қизиқти-риб келмоқда ва ҳайратга солмоқда.

Мазкур китоб Пайғамбаримиз атрофида бир ҳаводан нафас олган ва бирга яшаган саҳобаи киромлар ҳаётидан мароқли лавҳаларни ўқувчиларга ҳавола этади. Ислом дунёсининг ҳурматга сазовор адиби Холид Муҳаммад Холиднинг «„Пайғамбар атрофидаги кишилар“» китоби бир неча марта нашр этилган ва у кенг ўқувчилар оммасини бефарқ қолдирмайди, деган умиддамиз.