Buch lesen: "Eldfærin"

Eldfærin

H. C. Andersen

Böðvar Guðmundsson endursagði

Myndskreytingar gerði Þórarinn Leifsson

Bókin heitir „Fyrtøjet“ á frummálinu.

© Katrin Agency, 2013

© kápa og myndir: Katrin Agency, 2013

Hönnun kápu: Jentas ehf.

ISBN 978-9979-64-215-2 (epub)

Samningar er varða verk höfundar, þýðingu, kápu og útlit texta og notendarétt á þeim eru í eigu © Katrin Agency.

www.jentas.is

www.isfolkid.is

www.galdrameistarinn.is

JENTAS gefur bókina út á íslensku og dönsku.

Öll réttindi áskilin.

Bók þessa, eða hluta af henni, má ekki afrita með neinum hætti, hvorki með ljósmyndun, prentun, hljóðritun né á annan hátt, án skriflegs leyfis útgefanda.

Bækur eftir H. C. Andersen

Eldfærin

Litla stúlkan með eldspýturnar

Ljóti andarunginn

Nýju fötin keisarans

Næturgalinn

Fyrtøjet

Einu sinni kom hermaður gangandi eftir veginum með bakpokann sinn og sverðið sitt. Hann mætti gamalli galdranorn og sú var nú ekki árennileg.

„Góðan daginn hermaður,“ sagði hún. „Mikið er sverðið þitt fallegt, þú ert áreiðanlega góður hermaður. Langar þig ekki til að eiga marga peninga?“

„Það er nú líkast til,“ svaraði hermaðurinn.

„Sérðu stóra tréð þarna?“ sagði hún þá og benti. Það er holt að innan. Nú skalt þú klifra upp í topp á trénu. Þar sérðu gat sem þú getur smogið inn um og látið þig síga niður í tréð. Ég bind taug um mittið á þér og dreg þig svo aftur upp þegar þú kallar á mig.“

„Af hverju á ég að fara niður í tréð?“ spurði hermaðurinn.

„Sjáðu nú til,“ sagði nornin, „þegar þú ert kominn niður í tréð þá logar þar ljós og sérð þú þrjár dyr. Ef þú ferð inn um fyrstu dyrnar þá sérðu stóra kistu á miðju gólfinu, ofan á henni situr hundur. Augun í honum eru á stærð við undirskálar en þú skalt nú ekkert vera smeykur við hann. Ég læt þig hafa bláköflóttu svuntuna mína. Þú breiðir hana á gólfið og setur hundinn á hana, opnar svo kistuna og tekur eins marga peninga og þú vilt.