Қосалқы

20 ғасырдың ең әсерлі бейнелерінің бірі – анасының табытының артынан ерген екі кішкентай бала, екі ханзада. Диана ханшайымды жерлеу рәсімінен кейін миллиардтаған көпшілікті ханзада Уильям мен ханзада Хәрридің ойында не бар екені және қандай сезімде болып, олардың кейінгі өмірі қалай болатыны алаңдатты.

Сіздің қолыңызда Хәрридің сол хикаясы.

Анасы қайтыс болғанға дейін бәрі ханзада Хәрриді бейқам бала немесе қосалқы мұрагер ретінде танитын. Қайғы бәрін өз орнына қойды. Хәрри мектепте шайқасып, ашу мен жалғыздықпен күресіп, анасының өліміне баспасөзді кінәлап, көпшілік алдындағы өмірді қабылдауға барынша тырысып баққан болатын.

21 жасында ол Британ әскеріне қосылды. Тәртіп оған тәрбие берді, ал екі жауынгерлік миссия оны отанында батыр атандырды. Бірақ көп ұзамай ол өзін бұрынғыдан да жоғалтқандай сезініп, жарақаттан кейінгі күйзеліске ұшырады және әлсірететін дүрбелеңге бейім болды. Ең бастысы, ол шынайы махаббатқа зар болды.

Содан кейін ол Меганды кездестірді. Әлем осы жұптың кинематографиялық романына таңғалып, олардың ертегідегідей үйлену тойына бірге қуанды. Бірақ басынан бастап баспасөз Хәрри мен Меганды аңдып, оларды қорлап, нәсілшілдікпен, өсек-өтірікпен қудалады. Әйелінің қиналып жүргенін, олардың қауіпсіздігі мен психикалық денсаулығына қауіп төніп тұрғанын көріп, Хәрри өз елінен қашудан басқа амал таппады. Бұл әрекет тарихта болған трагедияның қайталануын болдырмаудың жалғыз жолы еді. Ғасырлар бойы корольдік отбасынан кетуге шешім қабылдаған адамдардың саны саусақпен санарлық. Негізінде, мұны істеуге тырысқан соңғы адам оның анасы болған еді…

Ханзада Хәрри алғаш рет өзінің өмір жолын ашық, шынайы айтып, өз хикаясын баяндайды. «Қосалқы» – бұл махаббаттың мәңгілік күшінің қайғыдан басымдығы туралы қырағылыққа, өзін-өзі талдауға және азап шеккен даналыққа толы көрнекті басылым.