A chi mme sente paresse lamiento!
T'arraccumanno, guaglio' statt'attiento!
C'appriparato nu schianto te sta!
Che ddice?
Mme pare comme si fosse n'avvertimento.
Amice belle!
Se salutano 'e giuvene annurate
'e sti cancelle!..
Saluta! (Rafele fischia).
Anelle, anelle!
So' servitore 'e st'ommo affezziunato
ca mm'ha siscato!
Bonanotte 'e signure 'e sti cancelle!..
('E signure… ca simmo nuie!)
Si te rico ca nun aggio capito niente nun te rico buscia…
A me mme pare n'avvertimento… Nisciuno ve vo' male?
E che saccio? (siede sulle tavole del suo letto. A Rafele che s'accosta al suo) Che faie? Te cucche?
Tengo nu poco 'e relore 'e capo… (rassetta il letto).
Neh, chi s' 'a pigliata 'a pippa mia?
Sta sotto 'o lietto. (accostandosi a don Gennaro che scrive in un libretto, col lapis, seduto sul letto) 'On Gennà, qua è 'o nummero?
'O quarantuno a morte. Si mme riesceno cierte revulette ca sto facenno, te voglio fa vedé io chi è don Gennaro. Tiene mente ccà: 'a semmana passata fiura 'e sette su tutta la linea… (restano a parlare sottovoce e a guardare nel libro).
N'avvertimento?.. E che po' essere?..
A posto! A posto!..
Aperta la porta don Peppe spinge dentro don Giovanni. I carcerati si allineano, squadrando quest'ultimo con sospetto e curiosità.
Trasiti, don… cumme vi chiamati. Truvativi u puosto, spugghiativi e curcativi.
Mme dispiace 'e v'incumudà. Aggio lassato 'a mappetella abbascio, ncopp'a nu scanno…
Bravu! Bonu cuminciamo!
Ve cerco scusa…
E iu uora vi servu. Uora 'a vai a pigghiu. (esce)
Tu!..
Vuie! Don Giuvà!..
Tu'… cca' dinto!.. Peppe Pazzia!..
'On Giuvanne!.. Vuie mmiez'a nuie!..
'E visto?.. So' benuto int' 'a cummertazione!
C'avite fatto?!..
C'aggio… fatto?.. (lo guarda come se gli volesse leggere dentro nell'anima. Lo sforzo ch'egli fa per parere indifferente è chiaro) Pò' t' 'o ddico… E tu?..
M'hanno pigliato pe suspetto… pe causa 'e nu richiaramento… Assettateve… (trae nel mezzo della scena una scranna. Don Giovanni siede, come spossato) Signori mieie! (i carcerati si fanno avanti) Pe revula vosta e cu rispetto 'e tutta 'a cummertazione, v'appresento st'amico d' 'o mio.
Pe parte 'e tuttu quante se saluta cu duvere.
É n' ommo ca se mmereta tutte 'e riguarde pussibbele e avite fa comme si fosse i' stesso. (Don Giovanni ascolta, sorridendo, ironico) Ntennimmece buono: stu signore nun pava uoglio p' 'a lampa, se po' scegliere 'o pizzo che bo', e si vo' rialà a quaccheduno riala schittamente a chi lle fa 'o lietto. Ce sta nisciuno c'ha dda fa usservazione?
Sta mmordo bene.
Dunque… 'On Giuva', ccà state int' 'a casa vosta.
(E ha fatto stu bello quatto 'e maggio!)
Ve ringrazio… E mo?..
Mo?.. Nn' 'o bberite? Ce cuccammo. Tenite suonno?
Niente.
Embè… si vulite viglià, vigliammo. Aggio durmuto fino a mo e nun tengo suonno manco io. Si premmettete ve faccio cumpagnia.
E… 'o carceriere?
È amico. (strizzando l'occhio) Mo che bene a purtà 'a mappatella lle mmuccammo quaccosa 'e renare e stammo cchiù sicure. Nu' se' carrì, chest'è tutto…
Chest'è 'a muneta.
Vedite… è na murtificazione!.. Sta muneta l'avesse caccià semp'io… Ma… comme se dice…
Quanno ascimmo a' llibertà…
Sta venenno 'on Peppe.
Quartiateve 'a chella parte.